Meänkieli - Kiruna.se

På kiruna.se används kakor, på engelska cookies. Kakor används för att webbplatsen ska fungera på bästa sätt. Om du fortsätter, utan att ändra inställningarna i din dator, så godkänner du att kakor från kiruna.se används. 

Läs mer om kakor och hur de används på kiruna.se

Här kan du välja vilket språk du vill läsa vår hemsida på. Vi använder Google Translate vid översättning av innehållet på webbplatsen.

Kiruna kommun

Meänkieli

Joka viies vuosi on vaalit Eurooppaparlamenthiin. Pyhänä 25 maita on taasen aika.

Sillon Euroopan unionin (EU) kansalaisila on maholisuus äänestää mikkä kandidaatit pitävät eustaa heitä Eurooppaparlamentissä. Ruottissa met valittema 20 Eurooppaparlamentin kaikkians 751 eustajista.

Kierunan Vaalilautakunta on se jolla on päävastuu siittä ette vaalit suoritethaan hyvälä tavala kunnan asukhaitten puolesta. Het pitävät valvoa ette on vaalipäivänä sopivia vaalipaikkoja, ette on maholista ette äänestää etukätheen ja ette on äänitten vasthaanottajia joitten tehtävä on ette ottaa vasthaan ääniä.

Kierunan kunnassa meilä on 17 vaalitistriktiä. Mihinkä vaalitistrikthiin sie kuulut ja mihinkä vaalipaikhaan sie piät mennä vaalipäivänä ilmotethaan sinun äänestyskortissa. Äänestyskortin sie saat postissa noin kolme viikkoa ennen vaalia. Äänestyskortissa on kans tietoja vaalipaikan osotheesta ja aukioloaijoista sekä joku eli jokkut lähelä olevia etukätheen äänestyspaikkoja ja niitten aukioloaijat. Sie saatat vain äänestää vaalipaikassa vaalipäivänä ja vain siinä vaalipaikassa joka seisoo sinun äänestyskortissa. Jos sulla ei ole maholisuutta äänestää vaalipäivänä sinun vaalipaikassa sillon sie saatat äänestää etukätheen 7 maita lähtien. Ennen kun saatat äänestää vaalipaikassa sie häyt osata näyttää id-kortin. Se saattaa esimerkiks olla ajokortti, passi eli virkalekitimasjuuni. Etukätheen äänestyksheen sie tarttet sen lisäks ottaa mukhaan sinun äänestyskortin.

Publicerad av: Maria Lindgren

Senast ändrad: 2017-05-16